Ադրբեջանն ու Չինաստանը մտադիր են պարզեցնել առևտրի և ներդրումային ընթացակարգերը

Ադրբեջանն ու Չինաստանը պատրաստ են քննարկել առևտրատնտեսական դաշտում պայմանագրաիրավական բազայի կատարելագործումը, ակտիվորեն ուսումնասիրել առևտրի և ներդրումային ընթացակարգերի ազատականացման և պարզեցման ինստիտուցիոնալ մեխանիզմի ստեղծման հնարավորությունը։

Ինչպես հաղորդում է Caliber.Az-ը, այս մասին ասված է հուլիսի 3-ին Աստանայում Շանհայի համագործակցության կազմակերպության գագաթնաժողովի շրջանակներում ընդունված «Ադրբեջանի Հանրապետության և Չինաստանի Ժողովրդական Հանրապետության միջև ռազմավարական գործընկերության հաստատման մասին համատեղ հռչակագրում»:

Նշվում է, որ կողմերը հաստատում են իրենց ամուր աջակցությունը ԱՀԿ-ի հովանու ներքո բազմակողմ առևտրային համակարգին։ Չինական կողմը աջակցում է Ադրբեջանի ակտիվ մասնակցությանը միջազգային բազմակողմ առևտրային համակարգի զարգացմանն ու համագործակցությանը, ինչպես նաև ԱՀԿ-ին անդամակցության շրջանակներում Ադրբեջանի ձեռնարկած գործողություններին։