Էրդողանը հաստատել է Ադրբեջանի և Թուրքիայի միջև դրամաշնորհային համաձայնագիրը

Թուրքիայի նախագահ Ռեջեփ Թայիբ Էրդողանը վավերացրել է Ադրբեջանի և Թուրքիայի միջև ստորագրված դրամաշնորհային համաձայնագիրը։

Ինչպես հաղորդում է Caliber.Az-ը, փաստաթուղթը ներառում է 10 հոդված։

Ադրբեջանական կողմից համաձայնագիրը ստորագրել է բնապահպանության և բնական պաշարների նախարար Մուխտար Բաբաևը, իսկ թուրքական կողմից՝ գանձապետարանի և ֆինանսների նախարար Մեհմեթ Շիմշեկը։

Փաստաթղթի համաձայն՝ Թուրքիայի գանձապետարանի և ֆինանսների նախարարությունը շուրջ 250 մլն թուրքական լիրա (14,111 մլն մանաթ) կհատկացնի Ադրբեջանի էկոլոգիայի և բնական պաշարների նախարարությանը։

Համաձայնագրի նպատակն է ֆինանսավորել Ադրբեջանա-թուրքական անտառտնտեսության ուսուցման միջազգային կենտրոնը և Խելացի տնկարան նախագիծը։

Նախագծի ընդհանուր արժեքը մոտ 250 միլիոն թուրքական լիրա է և Ադրբեջանի բնապահպանության և բնական պաշարների նախարարությունը չի հավակնելու դրամաշնորհի մնացած մասի օգտագործման իրավունքին։ Դրամաշնորհ տրամադրող կազմակերպությունը չի կրի որևէ լրացուցիչ ծախս, որն ուղղակիորեն կամ անուղղակիորեն գերազանցում է դրամաշնորհի գումարը: