«Ադրբեջանի և Հայաստանի միջև խաղաղությունը կհաստատվի նրանց միջազգայնորեն ճանաչված սահմանների շրջանակներում»
Caliber.Az-ը՝ Թբիլիսիից

Հարցազրույց  25 Ապրիլի 2022 - 16:51

Caliber.Az-ի հարցազրույցը՝ վրաստանցի քաղաքագետ Նիկոլոզ Գլոնտիի հետ:

—Դուք ինչպե՞ս եք գնահատում ադրբեջանա-վրացական հարաբերությունների ներկա մակարդակը։

— Հարկ է նշել, որ Ադրբեջանի և Վրաստանի միջև գործընկերությունը և բարիդրացիական հարաբերությունները վերջին տասնամյակներում դուրս են գալիս առաջին պլանը։ Դա կապված է պետությունների ղեկավարների միջև լավ համագործակցության հետ։ Դատելով ըստ նրանց փոխհարաբերությունների, մենք ոչ միայն պարզապես ռազմավարական գործընկերներ ենք, կարելի է վստահությամբ ասել, որ մենք բարեկամներ ենք, ինչի մասին բազմիցս ասվել է հայտարարություններում։

—Ինչպե՞ս եք գնահատում մեր տարածաշրջանում ընթացիկ քաղաքական իրավիճակը։

—Տարածաշրջանում քաղաքական իրավիճակը չափազանց բարդ է, հատկապես Ուկրաինայում մասշտաբային պատերազմի ֆոնին։ Սակայն կան նաև դրական առաջընթացներ, ես նկատի ունեմ Հայաստանի և Ադրբեջանի միջև անմիջական երկխոսության սկիզբը։

—Արևմուտքը պատժամիջոցներ է ընդունել Ռուսաստանի դեմ, և գաղտնիք չէ, որ դրանք ազդեցություն կունենան նաև այն երկրների վրա, որոնք կապված են Ռուսաստանի տնտեսության հետ։ Ի՞նչ կարող եք ասել Վրաստանի վրա այդ պատժամիջոցների ազդեցության մասին։

—Այսօր Ռուսաստանում բնակվում է ավելի քան մեկ միլիոն վրացի, ովքեր այնտեղ աշխատում են և գումարներ են ուղարկում Վրաստան։ Իհարկե, Ռուսաստանի դեմ ընդունվող պատժամիջոցները կանդրադառնան նաև հարևան Վրաստանի տնտեսությանը, բայց այդ ազդեցությունը կործարար չի լինի։ Որովհետև Վրաստանը ի դեմս Թուրքիայի և Ադրբեջանի ունի բարեկամական հարևաններ, ինչպես նաև Արևմուտքում վստահելի գործընկերներ։

—Վրաստանը ի՞նչ է անում իր տարածքային ամբողջականության վերականգնման համար։

—Վրաստանը անցկացնում է կորցրած տարածքների վերադարձման ակտիվ քաղաքականություն, բայց խաղաղ բանակցությունների ճանապարհով։ Նույնիսկ այսօրվա աշխարհաքաղաքական փոփոխությունները մեզ հույս են տալիս, որ այդ օրը շուտով կգա։ Մեր երկրի տնտեսությունը աճում է, և հույս կա, որ Վրաստանը մոտ ժամանակներում կդառնա Եվրամիության անդամ, և այդ ժամանակ աբխազները և օսերը այլևս չեն ցանկանա ապրել մեկուսության մեջ, իսկ Վրաստանի հետ միասին կդառնան քաղաքակիրթ աշխարհի մի մասը։

2012 թվականից հետո Վրաստանը ստորագրել է Ասոցացիայի մասին համաձայնագիր, ազատ առևտրի մասին համաձայնագիր, ինչպես նաև մենք 2017 թվականից հետո ԵՄ-ի երկրների հետ ունենք առանց մուտքային անցագրի ռեժիմ։ Վրաստանը արդեն ներկայացրել է ԵՄ-ում անդամակցելու հայտագիր։ Մենք երբեք Եվրոպային այդքան մոտիկ չենք եղել, ինչպես այսօր։

—Իսկ ՆԱՏՕ-ի հաշվո՞վ։

—Արևմտյան կուրսը և ՆԱՏՕ-ին անդամակցելու Վրաստանի ցանկությունը սահմանվում է Սահմանադրությամբ, իսկ կառավարությունը իրականացնում է Հիմնական օրենքով ամրագրված նպատակներն ու խնդիրները։

— Հնարավոր է արդյո՞ք խաղաղությունը Բաքվի և Երևանի միջև։

-Ես խորապես համոզված եմ, որ շատ շուտով Ադրբեջանի տարածքային ամբողջականությունը լիովին կվերականգնվի։ Ադրբեջանի և Հայաստանի միջազգայնորեն ճանաչված սահմանների շրջանակներում նրանց միջև կհաստատվի խաղաղություն։ Դրա համար նախադրյալներ արդեն կան՝ երկար տարիներ անց Ադրբեջանի և Հայաստանի միջև սկսվեց ուղիղ երկխոսություն, որում իր դերն է խաղում նաև Վրաստանը։

— Դուք ինչպե՞ս եք վերաբերվում Թբիլիսիի և Կիևի միջև լարվածությանը: Ո՞վ է մեղավոր այս իրավիճակի համար և ի՞նչ է լինելու հետագայում։

—Վրաստանի խորհրդարանի պատվիրակությունը խոսնակի գլխավորությամբ այցելեց Կիև, որտեղ հանդիպեց ուկրաինացի գործընկերների հետ։ Կան նաև երկու կողմից հայտարարություններն այն մասին, որ առկա թյուրիմացությունները վերացել են։

Caliber.Az

Դիտումներ: 263