«Հայաստանում տիրող քաոսը կարող է պատրվակ դառնալ Ղարաբաղում ավազակախմբերի մնացորդներին ջախջախելու համար»
Ֆարհադ Մամեդովի տեսակետը

Վերլուծություն  05 Մայիսի 2022 - 17:51

Ադրբեջանցի քաղաքական վերլուծաբանը մեկնաբանել է՝ Հայաստանի Անվտանգության խորհրդի քարտուղար Արմեն Գրիգորյանի վիճահարույց հայտարարությունը, ով այսօր Ղարաբաղի հարցի լուծումն անվանել է «հայերի անվտանգության ու իրավունքները ապահովում»։

Ֆ.Մամեդովի խոսքով, Ադրբեջանի հետ հարաբերությունների համար պատասխանատու՝ Հայաստանի Անվտանգության խորհրդի քարտուղար նույնպես խոսել է կարգավորման գործընթացի ձգձգման պատճառների մասին։

«Ի՞նչ ունենք մենք արդյունքում:.

-Հայկական կողմը պատրաստ է ճանաչել Ադրբեջանի տարածքային ամբողջականությունը, եթե Բաքուն բանակցություններ սկսի Ղարաբաղի հայերի անվտանգության երաշխիքների շուրջ. «կարգավիճակի» թեման դիտվում է որպես անվտանգություն ապահովող մեխանիզմ... Ադրբեջանի 5 հիմնարար սկզբունքներ + 1 հայկական: Առանց դրա հայկական կողմը օրակարգային թեմաներից որևէ մեկի շուրջ բանակցությունները շարունակելու պատճառ չի տեսնում։

-Հետաքրքիր է, որ ոչ Բրյուսելը, ոչ Մոսկվան իրենց հայտարարություններում չեն նշում Հայաստանի առաջ քաշած վեցերորդ սկզբունքը։ Բրյուսելում կայացած բանակցությունների ժամանակ այս կետը կա՛մ չի շոշափվել, կա՛մ շրջանցվել է, քանի որ Շառլ Միշելի հայտարարության մեջ «կարգավիճակի» թեմայի ակնարկ չկա և ընդհանրապես Ղարաբաղի մասին խոսք չկա։ Այսինքն՝ այս կետը ամրագրված չէ որպես վեցերորդ հիմնական սկզբունք։

-Դա նշանակում է, որ Հայաստանն այս հարցում պնդել է Բրյուսելից հետո, այն է՝ Փաշինյանի Մոսկվա կատարած այցից հետո։ Ահա թե ինչ նկատի ուներ Լավրովը Միրզոյանի հետ հանդիպման ժամանակ, երբ ասաց, որ «Արևմուտքը զոհաբերում է Հայաստանի շահերը», հրաժարվելով ԵԱՀԿ Մինսկի խմբի ինստիտուտից, որտեղ տեսական հնարավորություն կար բարձրացնելու «կարգավիճակի» և անվտանգության երաշխիքների թեման։

Այսպիսով, Հայաստանի նախապայմանները թելադրված են ներքին դինամիկայով և Ռուսաստանի պահանջով (քանի որ Ղարաբաղի հայերի անվտանգության երաշխիքները վերաբերում են ՌՀԿ-ի մանդատի և Ադրբեջանի տարածքում գտնվելու ժամկետին)։

Ժամանակն է, որ Բաքուն ընտրություն կատարի.-Կամ գնալ բանակցությունների և հիմնարար սկզբունքների մեջ մտցնել Ղարաբաղի հայերի անվտանգության երաշխիքների հարցը։ «Կարգավիճակի» թեման ձևափոխել ինքնակառավարման մեխանիզմների մի շարք՝ Ադրբեջանի Սահմանադրությանը համապատասխան, պարտավորություններ ստանձնել բոլոր հարցերը լուծել քաղաքական մեթոդներով և դրա դիմաց ապահովել հայկական զինված կազմավորումների մնացորդների դուրսբերումը.

-Կամ գործել ճնշումների ու ճնշման փորձված մեթոդով՝ թուլացնելով Հայաստանն ու Փաշինյանի իշխանությունն այն աստիճան, որ նրանք կընդունեն մեր օրակարգն ամբողջությամբ և առանց նախապայմանների։ Մեր առավելությունն այն է, որ թե՛ Ռուսաստանի Դաշնությունը, թե՛ ԵՄ-ն տեղյակ են Երևանի դիրքորոշման փոփոխականությանը։ Հայաստանում քաոսը կարող է պատճառ դառնալ Ղարաբաղում մնացած հայկական զինված կազմավորումներին ջախջախելու և սահմանի միակողմանի հաստատման շարունակման կարդինալ որոշումների համար»,- գրել է Ֆ. Մամեդովը։

Caliber.Az

Դիտումներ: 1179