Ադրբեջանը կսկսի պիկապների և էլեկտրական մեքենաների արտադրությունը

Տնտեսություն  13 Հունիսի 2022 - 11:46

Այս տարվանից Նախչըվանի ավտոմոբիլային գործարանում կսկսվի չինական ապրանքանիշի պիկապ մեքենաների և էլեկտրական մեքենաների հավաքումը։

Այս մասին Caliber.Az-ին ասել է Cahan Holding-ի վաճառքի բաժնի ղեկավար Ֆարհադ Հուսեյնովը։

Նրա խոսքով, այս տարվա սեպտեմբերից գործարանում առաջին անգամ կսկսվի ZX Avto պիկապների հավաքումը։ Ավտոպահեստամասերը հիմնականում ներկրվելու են Չինաստանից։

«Եթե ընկերությունը հավանություն տա, ապա Սումգայիթի գործարաններում արտադրվող պահեստամասերը կարող են օգտագործվել նաև պիկապների հավաքման ժամանակ»,- ասել է Հուսեյնովը։

Նա նշել է, որ նախատեսվում է տարեկան հավաքել 300-400 ZX Avto պիկապ։

Խոսելով Նախչըվանի ավտոմոբիլային գործարանում էլեկտրամոբիլների արտադրության մասին՝ Հուսեյնովը նշել է, որ 7-8 չինական ապրանքանիշեր արդեն իսկ ներմուծվել են Ադրբեջան՝ որպես պատճեն։ Բայց ապրանքանիշը, որը կարտադրվի, դեռ հաստատված չէ. «Էլեկտրամոբիլի մակնիշի ընտրությունից հետո, սկզբնական փուլում նախատեսվում է հավաքել 40-50 միավոր էլեկտրական մեքենաներ, ինչպիսիք են մինիվենը, սեդանը և հեչբեկը՝ 7-8 հոգանոց տարողությամբ»։

Caliber.Az

Դիտումներ: 119