Միխայիլ Գուսմանը բարձր է գնահատել ադրբեջանական սփյուռքի գործունեությունը

Սոցիում  06 Հունիսի 2022 - 11:40

Ռուսաստանի Դաշնության ՏԱՍՍ լրատվական գործակալության գլխավոր տնօրենի առաջին տեղակալ, վաստակավոր լրագրող և մշակույթի վաստակավոր գործիչ, Ռուսաստանի պետական մրցանակի դափնեկիր Միխայիլ Գուսմանը շնորհավորել է Ադրբեջանի Սփյուռքի հետ աշխատանքի պետական կոմիտեին՝ ստեղծման 20-ամյակի կապակցությամբ։

Caliber.Az-ի փոխանցմամբ՝ Պետական կոմիտեի նախագահ Ֆուադ Մուրադովին ուղղված նամակում հայտնի լրագրողը նշել է, որ իր ստեղծման օրվանից կառույցն ակտիվորեն աշխատում է ադրբեջանական սփյուռքին աջակցելու ուղղությամբ՝ ընդլայնելով կապերը արտերկրի ադրբեջանցիների հետ և մեծ ներդրում է անում ազգամիջյան երկխոսության ամրապնդման գործում։

«Ռուսաստանում ապրող ավելի քան 2 միլիոն մեր հայրենակիցները բարձր են գնահատում կոմիտեի ուշադրությունն ու աջակցությունը։ Ես հաստատապես գիտեմ և համարձակվում եմ ձեզ վստահեցնել, որ Ռուսաստանի ողջ ադրբեջանական սփյուռքը անկեղծորեն հպարտանում է համաշխարհային ասպարեզում Ադրբեջանի փայլուն հաջողություններով, երկրի տնտեսական, սոցիալական և մշակութային կյանքում արձանագրված մեծ արդյունքներով։

Ժամանակակից Ադրբեջանի բոլոր հաջողությունները, ինչպես կարծում են համայն աշխարհի ադրբեջանցիները, կապված են երկրի կառուցման գործում Ադրբեջանի համազգային առաջնորդ Հեյդար Ալիևի ունեցած մեծ դերի, ինչպես նաև Ադրբեջանի նախագահ Իլհամ Ալիևի՝ մեր Հայրենիքի առաջընթաց զարգացման գործում ունեցած ակնառու վաստակի հետ»,- ասվում է նամակում։

Caliber.Az

Դիտումներ: 55