Ալիևը՝ Ադրբեջանի տնտեսության մասին. Մենք ոչ մեկից կախված չենք

Ադրբեջանի տնտեսական զարգացման մոդելն արդեն արդարացրել է իրեն աշխարհում։

Ինչպես հաղորդում է AZERTAC-ը, այս մասին հայտարարել է նախագահ Իլհամ Ալիևը տնտեսական հարցերին նվիրված խորհրդակցության ժամանակ ունեցած ելույթում։

«Հենվելով սեփական ռեսուրսների վրա՝ մենք կառուցել ենք ուժեղ, անկախ տնտեսություն և կախված չենք որևէ մեկից։ Տնտեսական անկախությունը, բնականաբար, մեզ մեծ հնարավորություններ է տալիս միջազգային ասպարեզում, որպեսզի Ադրբեջանը հաջողությամբ, վստահորեն, պատվով ու արժանապատվորեն կարողանա ինքնուրույն արտաքին քաղաքականություն վարել։ Այնպես, ինչպես մենք դա իրականացրել և իրականացնելու ենք»,- նշել է պետության ղեկավարը։