Քննարկվել են Ադրբեջանի և Ռուսաստանի միջև ռազմատեխնիկական համագործակցության հեռանկարները

Ադրբեջանի 5-րդ հոբելյանական միջազգային պաշտպանական «ADEX» ցուցահանդեսի շրջանակներում Բաքվի Էքսպո կենտրոնում մի շարք հանդիպումներ են անցկացվում ռազմատեխնիկական համագործակցության զարգացման վերաբերյալ։

Ինչպես հայտնում է Caliber.Az-ը, սեպտեմբերի 25-ին Ադրբեջանի Հանրապետության պաշտպանության նախարար, գեներալ-գնդապետ Զաքիր Հասանովը հանդիպել է Ռուսաստանի Դաշնության ռազմատեխնիկական համագործակցության դաշնային ծառայության տնօրեն Դմիտրի Շուգաևի գլխավորած պատվիրակությանը։

Կողմերը քննարկել են ռազմատեխնիկական համագործակցության դերը տարածաշրջանում խաղաղության և անվտանգության ապահովման գործում, ինչպես նաև փոխադարձ հետաքրքրություն ներկայացնող այլ հարցեր։