Ադրբեջանի վարչապետը հանդիպել է Ֆինլանդիայի և Լիտվայի վիճակագրական գերատեսչությունների ղեկավարների հետ

Ապրիլի 11-ին Ադրբեջանի վարչապետ Ալի Ասադովը հանդիպել է Ֆինլանդիայի վիճակագրական վարչության գլխավոր տնօրեն Մարկուս Սովալայի և Լիտվայի վիճակագրության դեպարտամենտի գլխավոր տնօրեն Յուրատե Պետրաուսկենեի հետ։

Ինչպես հայտնում է Caliber.Az-ը՝ վկայակոչելով նախարարների կաբինետին, հանդիպման ժամանակ ընդգծվել է, որ Ադրբեջանում բարեփոխումներ են իրականացվում վիճակագրության ոլորտում, ձեռնարկվում են համապարփակ միջոցառումներ ազգային վիճակագրական համակարգի բարելավման ուղղությամբ՝ երկրում և միջազգային ասպարեզում ընթացող սոցիալ-տնտեսական գործընթացներին, ինչպես նաև ժամանակակից մարտահրավերներին համապատասխան։

Ընդգծվել է համաժողովի կարևորությունը՝ նվիրված Բաքվում կայացած «Աջակցություն վիճակագրության պետական կոմիտեին և էկոնոմիկայի նախարարությանն առընթեր հարկային պետական ծառայությանը՝ բիզնեսի ոլորտում տվյալների հավաքագրման, մշակման, վերլուծության և հրապարակման ուժեղացման նպատակով» թեմայով թվինինգ ծրագրի արդյունքներին։