Ադրբեջանն ու Չինաստանը ներդրումային համագործակցության հարցով աշխատանքային խումբ կստեղծեն

Ադրբեջանի և Չինաստանի միջև առևտրատնտեսական համագործակցության միջկառավարական հանձնաժողովի շրջանակներում կստեղծվի ներդրումային համագործակցության հարցով աշխատանքային խումբ։

Ինչպես հաղորդում է Caliber.Az-ը, այս մասին ասված է հուլիսի 3-ին Աստանայում Շանհայի համագործակցության կազմակերպության գագաթնաժողովի շրջանակներում ընդունված «Ադրբեջանի Հանրապետության և Չինաստանի Ժողովրդական Հանրապետության միջև ռազմավարական գործընկերության հաստատման մասին համատեղ հռչակագրում»:

Կողմերը նաև աջակցում են իրենց ձեռնարկություններին Ադրբեջանում և Չինաստանում փոխադարձ ներդրումների և բիզնեսի զարգացման գործում, ինչպես նաև նրանց փոխադարձ մասնակցությանը Ադրբեջանի և Չինաստանի ազատ տնտեսական գոտիների և արդյունաբերական պարկերի գործունեությանը որպես ռեզիդենտ: