«ԵԱՀԿ Մինսկի խումբը գործել է 28 տարի, արդյունքն ակնհայտ է՝ զրո». Իլհամ Ալիև

Հետկոնֆլիկտային շրջանի արդյունքները, առաջին տարվա արդյունքները հիմք են տալիս ասելու, որ մեր առջև ծառացած բոլոր խնդիրները կատարվել են։ Առաջին հերթին մենք շարունակեցինք մեր շփումները, ակտիվ համագործակցությունը միջազգային կազմակերպությունների հետ, և աշխարհի առաջատար միջազգային կազմակերպությունները ընդունեցին նոր իրողությունները։

Ինչպես հաղորդում է Caliber.Az-ը՝ վկայակոչելով «Ազերթաջ»-ին, ապրիլի 12-ին այս մասին ասել է Ադրբեջանի նախագահ Իլհամ Ալիևը՝ այս տարվա առաջին եռամսյակի արդյունքներին նվիրված հանդիպմանը։

«Ղարաբաղյան երկրորդ պատերազմում մեր հաղթանակի արդյունքում շատ մեծ հետաքրքրություն կա Ադրբեջանի նկատմամբ։ Բավականին շատ հայտեր են ստացվում բիզնեսով զբաղվելու, գործարար կապեր հաստատելու համար։

Մենք ինքներս լուծեցինք այս հակամարտությունը: Մինսկի խումբը գործել է 28 տարի՝ մինչև Ղարաբաղյան երկրորդ պատերազմը: Համանախագահող երկրներն այս տարիների ընթացքում թերևս հարյուրավոր այցելություններ են կատարել Ադրբեջան և Հայաստան։ Արդյունքն ակնհայտ է՝ զրո»,-  ասել է Իլհամ Ալիևը։