Խասբուլատով. հայերը զինված հակամարտություն են սկսել՝ Ադրբեջանի տարածքը գրավելու նպատակով
«Եվ սրանով ամենահզոր հարվածը հասցրեցին ԽՍՀՄ-ին» /ՏԵՍԱՆՅՈՒԹ

Քաղաքականություն  05 Հունվարի 2023 - 12:23

Ռուս ռազմական փորձագետ, «Ազգային պաշտպանություն» ամսագրի գլխավոր խմբագիր Իգոր Կորոտչենկոն կիսվել է՝ վերջերս մահացած ռուս հայտնի քաղաքական գործիչ, ակադեմիկոս, Ռուսաստանի Գերագույն խորհրդի վերջին նախագահ Ռուսլան Խասբուլատովի զրույցի տեսագրությամբ։

Նրանում Խասբուլատովը, խոսելով Խորհրդային Միության փլուզման մասին, հայտարարել է, որ ԽՍՀՄ-ին ամենահզոր հարվածը հասցրել են հայերը։

«Նրանք սկսեցին բացահայտ զինված հակամարտություն՝ օտար տարածք գրավելու համար։ Եթե նույնիսկ [բնակիչների] մեծ մասը հայեր են, բայց Սահմանադրության, օրենքի տեսակետից Լեռնային Ղարաբաղը պատկանում էր Ադրբեջանին։ Եվ հարցը խաղաղ ճանապարհով, գուցե համագումարով լուծելու փոխարեն, նրանք որոշեցին զինված պայքար սկսել։

Եվ այս իրադարձություններից հետո ամբողջ աշխարհը տեսավ, որ կենտրոնական իշխանությունը [թույլ] է։ Ի դեպ, ՊԱԿ-ը (Պետանվտանգության կոմիտեն) ստիպված էր դրանով զբաղվել՝ չսպասելով Միխայիլ Գորբաչովի հրահանգներին, պետության պաշտպանությունը ՊԱԿ-ի գործառույթն է։ ԽՍՀՄ-ը տապալվեց Կովկասից: Երբ սկսվեց այս զինված պատերազմը, մերձբալթյան երկրները տեսան, որ ոչ ոք լուրջ գործողություններ չի ձեռնարկում»,- հայտարարել է Խասբուլատովը։

Caliber.Az

Դիտումներ: 74