Շուշայում ընթանում է «Կանայք իսլամական աշխարհում» թեմայով համաժողով

Շուշայում մեկնարկել է «Կանայք իսլամական աշխարհում. ավանդույթներ և մարտահրավերներ» թեմայով համաժողովը։

Ինչպես հայտնում է Caliber.Az-ը, համաժողովը կազմակերպել է Ընտանիքի, կանանց և երեխաների հարցերով պետական կոմիտեն։

Դրա աշխատանքներին մասնակցում են կոմիտեի նախագահ Բահար Մուրադովան, Շուշայի շրջանում նախագահի հատուկ ներկայացուցիչ Այդին Քերիմովը, Ադրբեջանում Թուրքիայի դեսպան Ջահիտ Բաղչին, Մարոկկոյի Թագավորության համերաշխության, սոցիալական ինտեգրման և ընտանիքի նախարար Ավատիֆ Հայարը, 6-րդ գումարման Միլլի Մեջլիսի պատգամավոր, Ընտանիքի, կանանց և երեխաների հարցերով հանձնաժողովի նախագահ Հիջրան Հուսեյնովան, հասարակության, լրատվամիջոցների ներկայացուցիչներ և պետական տարբեր գերատեսչությունների աշխատակիցներ։

Համաժողովի ընթացքում կանցկացվեն պանելային քննարկումներ՝ նվիրված կանանց դերին Ղարաբաղի վերականգնման և կայուն զարգացման գործում, կանանց իրավունքների պաշտպանությանը գլոբալացվող աշխարհում, և կհնչեն նոր կոչեր։