Մեկնարկել է ՀԿԹՀ նախագահի այցն Ադրբեջան

Սկսվել է Հյուսիսային Կիպրոսի Թուրքական Հանրապետության նախագահ Էրսին Թաթարի այցն Ադրբեջան։

Ինչպես հայտնում է Сaliber.Az-ը, այս մասին տեղեկացրել են Բաքվում Թուրքիայի դեսպանատնից:

Այցի շրջանակներում ՀԿԹՀ նախագահը կմասնակցի Թյուրքական պետությունների կազմակերպության ոչ պաշտոնական գագաթնաժողովին, որը տեղի կունենա հուլիսի 5-6-ը Շուշայում։

Ադրբեջանի նախագահ Իլհամ Ալիևի նախաձեռնությամբ կազմակերպված գագաթնաժողովին կմասնակցեն Թուրքիայի, Ղազախստանի, Ղրղզստանի և Ուզբեկստանի ղեկավարները։ Միջոցառմանը նախատեսվում է նաև դիտորդ երկրների ղեկավարների և ԹՊԿ-ի գլխավոր քարտուղարի մասնակցությունը: