ԱՄՆ պետքարտուղարի օգնականն այցելել է Ադրբեջան

Մեկնարկել է ԱՄՆ պետքարտուղարի էներգետիկայի հարցերով օգնական Ջեֆրի Փայաթի այցը Ադրբեջան։

Այս մասին Caliber.Az-ին հայտնել են Բաքվում ԱՄՆ դեսպանատնից։

Նա կմասնակցի Բաքվի 28-րդ ամենամյա էներգետիկայի շաբաթին։

Փայաթը կհանդիպի Ադրբեջանի կառավարության պաշտոնատար անձանց հետ՝ քննարկելու էներգետիկ անվտանգությունը և վերականգնվող էներգիայի աղբյուրների օգտագործման ընդլայնման հնարավորությունները։

Պետքարտուղարի օգնականը կհանդիպի նաև այլ երկրների և կազմակերպությունների էներգետիկ ոլորտի պաշտոնյաների հետ՝ խրախուսելու հետագա միջազգային համագործակցությունը՝ կայունացնելու էներգակիրների գլոբալ մատակարարումները և միաժամանակ արագացնելով մաքուր էներգիայի անցումը: