Վիլայաթ Գուլիև. Ադրբեջանն առաջարկել է առանց վիզայի մուտքի ռեժիմ սահմանել Բոսնիա և Հերցեգովինայի հետ

Ադրբեջանը առաջարկել է սկսել՝ Բոսնիա և Հերցեգովինայի քաղաքացիների համար առանց վիզայի  մուտքի ռեժիմ սահմանելու գործընթացը։
 
Report-ի փոխանցմամբ, այս մասին Sarajevo Times հրատարակությանը  տված հարցազրույցում հայտնել է՝ Բոսնիա և Հերցեգովինայում Ադրբեջանի դեսպան Վիլայաթ Գուլիևը։
 
«Ադրբեջանը վճռականորեն աջակցում է համագործակցությանը, փոխադարձ հարգանքին և խաղաղ զարգացմանը։ Մենք Բոսնիա և Հերցեգովինան համարում ենք բարեկամական և կարևոր գործընկեր և վստահ ենք, որ մեր հարաբերությունները կշարունակեն զարգանալ՝ ի շահ  երկու երկրների և ապագա սերունդների։ Այս համատեքստում Ադրբեջանը ձգտում է հետագայում խրախուսել մեր երկրների միջև զբոսաշրջության և գործարար ակտիվության զարգացումը՝ ճանաչելով դրանց կարևոր դերը մարդկանց մերձեցնելու և քաղաքացիների համար շոշափելի օգուտներ ստեղծելու գործում։ Ադրբեջանն առաջարկել է սկսել՝ Բոսնիա և Հերցեգովինայի քաղաքացիների համար առանց վիզայի  մուտքի ռեժիմ սահմանելու գործընթացը, որը զգալիորեն կնպաստի ճանապարհորդությանը, զբոսաշրջությանը և սոցիալական փոխանակմանը», - ասել է նա։
 
Նրա ւոսքով՝ երկու երկրներն էլ հանձնառու են՝ խորացնել երկկողմ հարաբերությունները, ավելացնել բարձր մակարդակի այցելությունների հաճախականությունը, անցկացնել կանոնավոր քաղաքական խորհրդակցություններ և ստեղծել տնտեսական գործընկերության համատեղ հանձնաժողով։