Իսրայելի ԱԳՆ ղեկավարը այցելել է Բաքվի Հաղթանակի զբոսայգի և Նահատակների ծառուղի

Իսրայելի արտաքին գործերի նախարար Գիդեոն Սաարը Ադրբեջան այցի շրջանակներում այցելել է Բաքվի Հաղթանակի զբոսայգի և Նահատակների ծառուղի։
 
Ինչպես հաղորդում է Caliber.Az-ը, Սաարը այս մասին գրել է Facebook սոցցանցում։
 
«Բաքվի Հաղթանակի զբոսայգի և Նահատակների ծառուղի այցելության ժամանակ, որը նվիրված է ղարաբաղյան պատերազմներում զոհվածների և «Սև հունվարի» զոհերի հիշատակին, ես ծաղկեպսակ դրեցի հրեա զինվոր Ալբերտ Ագարունովի գերեզմանին, որը ծառայել է որպես տանկի հրամանատար և զոհվել է Առաջին ղարաբաղյան պատերազմի ժամանակ։
 
Ալբերտը հետմահու արժանացել է Ադրբեջանի Ազգային հերոսի կոչման և թաղվել է Նահատակների ծառուղում։ Նրա հուղարկավորությանը մասնակցել են ինչպես մուսուլման հոգևորականներ, այնպես էլ  ռաբբիներ. այս իրադարձությունը դարձել է Ադրբեջանի բազմամշակութային բնույթի խորհրդանիշ ամբողջ աշխարհում։
 
Պայծառ  հիշատակ», - նշված  է հրատարակման մեջ։