Բայրամովը Սաարին տեղեկացրել է Բաքվի և Երևանի միջև հարաբերությունների կարգավորման գործընթացի մասին

Ադրբեջանի արտաքին գործերի նախարար Ջեյհուն Բայրամովը իր իսրայելցի գործընկեր Գիդեոն Սաարին տեղեկացրել է Բաքվի և Երևանի միջև հարաբերությունների կարգավորման գործընթացի մասին։

Report-ի փոխանցմամբ՝ Բայրամովը այս մասին հայտարարել է Սաարի հետ Բաքվում կայացած համատեղ ճեպազրույցի ժամանակ։

Նա նշել է, որ Իսրայելի արտաքին գործերի նախարարին տեղեկացրել է Հարավային Կովկասում տիրող իրավիճակի մասին։

 «Միևնույն ժամանակ, ես իմ գործընկերոջը տեղեկացրել եմ Վաշինգտոնում [2025 թվականի օգոստոսի 8-ին] տեղի ունեցած պատմական հանդիպման մասին»։

Բայրամովը նաև հայտնել է, որ Գիդեոն Սաարի հետ մտքեր է փոխանակել ազատագրված տարածքներում վերականգնողական աշխատանքների, ներքին տեղահանվածների վերադարձի և ականային սպառնալիքի վերաբերյալ։

Բայրամովը նաև հավելել է, որ Ադրբեջանը կողմ է հանդես գալիս իսրայելա-պաղեստինյան հակամարտության խաղաղ կարգավորմանը։

Նախարարը նշել է, որ իսրայելական կողմին փոխանցել է Ադրբեջանի ցանկությունը՝ Գազայի հատվածում կայուն հրադադար հաստատելու վերաբերյալ։