Բաքուն և Աշգաբադը բանակցություններ են վարել ծովային փոխադրումների վերաբերյալ

Բաքվում տեղի է ունեցել՝ «Թուրքմենբաշի միջազգային ծովային նավահանգստի» տնօրեն Պարահաթ Ջումաևի գլխավորած թուրքմենական պատվիրակության և «Բաքվի միջազգային ծովային նավահանգիստ» ԲԲԸ տնօրեն Էլդար Սալահովի աշխատանքային հանդիպումը։
 
Ինչպես հղորդում է Report-ը՝ Թուրքմենստանի արտաքին գործերի նախարարությանը հղումով, կողմերը քննարկել են՝ Թուրքմենբաշիի, Բաքվի, Փոթիի, Բաթումիի և Կոնստանցայի նավահանգիստներով բեռնահոսքի ավելացման հեռանկարները։
 
Հանդիպման ընթացքում ընդգծվել է, որ Թուրքմենստանն ու Ադրբեջանը հետևողականորեն ամրապնդում են իրենց ռազմավարական գործընկերությունը՝ հատուկ ուշադրություն դարձնելով Թուրքմենբաշիի և Բաքվի (Ալաթ) նավահանգիստների միջև լոգիստիկայի զարգացմանը։ Մասնավորապես, քննարկվել են՝ Կասպից ծովով բեռնափոխադրումների ավելացման, տրանսպորտային կապերի ընդլայնման և Միջին միջանցքի զարգացման միջոցառումները՝ փոխադարձ ապրանքաշրջանառության աճի պայմաններում։
 
Կողմերը նաև նշել են, որ վերջին տարիներին զգալի առաջընթաց է գրանցվել սահմանային և մաքսային ընթացակարգերի պարզեցման գործում, իսկ ծովային և երկաթուղային ծառայությունների սակագների իջեցումը նպաստել է՝  մուլտի մոդալ փոխադրումների աճին և տարանցիկ կոնտեյներային փոխադրումների ավելացմանը։