Ադրբեջանի ԱԳՆ ղեկավարը Վարշավայում մասնակցում է համաժողովին

Ադրբեջանի արտգործնախարար Ջեյհուն Բայրամովը մասնակցում է՝ «Նոր իրողություններ տարածաշրջանում. անվտանգության ճարտարապետության հեռանկարները և կայուն խաղաղությունը Հարավային Կովկասում» համաժողովին, որը տեղի է ունենում այսօր Լեհաստանի մայրաքաղաք Վարշավայում։

Ինչպես հայտնում է Caliber.Az-ը, համաժողովը կազմակերպել է Ադրբեջանի միջազգային հարաբերությունների վերլուծության կենտրոնը (ՄՀՎԿ):

Միջոցառման մասնակիցները կքննարկեն՝ Հարավային Կովկասում առկա աշխարհաքաղաքական գործընթացները և այս տարածաշրջանում կայուն խաղաղության և զարգացման ապահովման հեռանկարները։

Հիշեցնենք, որ դեկտեմբերի 1-ին Ադրբեջանի արտգործնախարարը Լեհաստանում կմասնակցի ԵԱՀԿ ԱԳՆԽ-ի նիստին։