«Ադրբեջանի հետ խաղաղությունը՝ վերջին շանս է աղքատության մեջ խրված Հայաստանի համար»
Գեներալ Կարաուզը՝ Caliber.Az կայքում

Հարցազրույց  25 Մայիսի 2023 - 12:33

Ղարաբաղում 44-օրյա պատերազմի ժամանակ հայ զինվորականների մոտ ակնհայտորեն պակասում էր ազգային ոգին, ազգային արժանապատվությունն ու հայրենասիրությունը՝ համոզված է թուրք պաշտոնաթող գեներալ Յուջել Կարաուզը։ Դրա ապացույցը, պրոֆեսիոնալ զինվորականի կարծիքով, հանդիսանում է այն, որ հրամանատարները ստիպված էին իրենց հայ զինվորներին գամել հրանոթներին, պինդ փակել տանկի մեջ, որպեսզի չփախչեին մարտի դաշտից։ Այդ մասին թուրք գեներալը հիշեցրել է Caliber.Az-ի հետ զրույցում, ենթադրելով, որ Ղարաբաղում նոր ռազմական գործողությունների դեպքում քիչ բան կփոխվի։

«Այսօր Հայաստանում ոչ մի մայր չի ուզում իր որդուն բանակ ուղարկել։ 2020 թվականի աշնան պատերազմի հետևանքով առաջացած վախն ու դեպրեսիան առ այսօր չի հեռանում հայերից։ Ադրբեջանի և Թուրքիայի հետ հարաբերությունները բարելավել չցանկացող պետությունը մեր աչքի առաջ բառացիորեն փլուզվում է։ Երկրի կառավարությունը դա տեսնում է, բայց ոչինչ չի ձեռնարկում։ Հայաստանին ուղակի անհրաժեշտ է խաղաղության պայմանագիր կնքել Ադրբեջանի հետ, հակառակ դեպքում նա կխրվի աղքատության մեջ և վաղ թե ուշ կվերանա աշխարհի քարտեզից։ Նրա բնակչությունը վաղուց սրընթաց նվազում է, և այդ գործընթացը աստիճանաբար կավելանա։ Ադրբեջանի հետ խաղաղության պայմանագիրը հանդիսանում է վերջին շանս Հայաստանի համար։ Եթե պաշտոնական Երեւանը չդիմի Բաքվի հետ հաշտեցման, ապա հետեւանքների համար պատասխանատվությունը կդրվի երկրի ղեկավարության վրա»,- կարծում է Կարաուզը։

Դրանով հանդերձ նա նշում է, որ Հայաստանը, իչպես եղել է տնտեսապես հետամնաց հանրապետություն՝ ղարաբաղյան պատերազմներից շատ առաջ, այդպես էլ մնացել է։

«Երկրորդ ղարաբաղյան պատերազմի արդյունքներով հայկական բանակը կորցրել է իր սպառազինության 70 տոկոսը։ Պարտությունից հետո երկրի տնտեսությանը լուրջ վնաս է հասցվել, որից նա մինչև այսօր ի վիճակի չէ դուրս գալ։ Բացի այդ, հետպատերազմյան դեպրեսիան նվազեցրել է հայ բնակչության աշխատունակությունը, չէ որ հազարավոր զինվորներ զոհվեցին, ավելի շատ վիրավորվեցին, և նրանք բոլորը, ըստ տարիքի, պետք է դառնաին բնակչության ամենաաշխատունակ մասը։ Բացի այդ, Հայաստանի իշխանությունները ոչ մի կերպ չեն աջակցում վետերաններին, զոհվածների ընտանիքներին, ինչը ամենևին չի նպաստում ազգային ոգու բարձրացմանը։ Մարդիկ մենակ են մնում իրենց խնդիրների հետ, և ընկնում են ռեժիմի նկատմամբ ծայրահեղ դժգոհության վերածվող ավելի մեծ հուսահատության մեջ»,- ընդգծում է մեր զրուցակիցը։

Պրոֆեսիոնալ զինվորականը համոզված է, որ Ադրբեջանի և Թուրքիայի հետ խաղաղությունը՝ միակ ելք է Հայաստանի համար։

«Հայաստանի վարչապետ Նիկոլ Փաշինյանը՝ խաղաղությանը հավատարմության մասին իր դատարկ հայտարարության փոխարեն, պետք է իրական քայլեր ձեռնարկի այս ուղղությամբ։ Ցավոք, նրան չի բավականացնում վճռականություն և քաղաքական կամք, որպեսզի վերջապես ստորագրի խաղաղության պայմանագիրը։ Այսօր Հայաստանին կառավարում են արտաքին ուժերը, նրանք անկարգություններ են կազմակերպում հայ հասարակության մեջ։ Իսկ Փաշինյանը չնայած և ընդունում է, որ Ղարաբաղը՝ Ադրբեջան է, սակայն ապօրինի զինված կազմավորումները ամենևին դուրս չի բերում այնտեղից։ Խաղաղ պայմանագրի շուրջ յուրաքանչյուր հանդիպման մեկնարկից առաջ Հայաստանը, փորձելով ժամանակ շահել և փոխել օրակարգը՝ ռազմական սադրանքներ է իրականացնում։ Պաշտոնական Երեւանը պետք է հասկանա, որ խաղաղության օրակարգից հրաժարվելը օգուտ չի բերի Հայաստանին։ Բացի այդ, Ադրբեջանի համբերությունը անսահման չէ»,- եզրափակել է գեներալ Կարաուզը:

Caliber.Az

Դիտումներ: 180