Ադրբեջանի ԱԳՆ ղեկավար. խաղաղության պայմանագրի բանակցություններում Հայաստանի մտադրությունները բարի չէին

«Հայաստանի կողմից Ադրբեջանի տարածքների օկուպացիայի արդյունքում ստեղծված մտացածին ռեժիմի անօրինական գործողությունները՝ այսպես կոչված «նախագահական ընտրությունների» քողի տակ, դարձան հերթական ծայրահեղ սադրիչ քայլը։ Այս քայլերով Հայաստանը հասկացնել տվեց, որ մտադիր է հրաժարվել Ադրբեջանի ինքնիշխանությունն ու տարածքային ամբողջականությունը ճանաչող իր նախկին հայտարարություններից։ Սա ցույց տվեց, որ խաղաղության պայմանագրի բանակցություններում Հայաստանի մտադրությունները բարի չեն եղել»։

Ինչպես հաղորդում է Caliber.Az-ը, այս մասին հայտարարել է ԱՀ արտաքին գործերի նախարար Ջեյհուն Բայրամովը՝ ելույթ ունենալով ՄԱԿ-ի Անվտանգության խորհրդի նիստում։

Նախարարը նշել է, որ խաղաղության ջանքերը միտումնավոր խաթարելու Հայաստանի փորձերը տեղի են ունեցել Ադրբեջանի դեմ ամբողջ աշխարհում իրականացվող զրպարտչական արշավին զուգահեռ՝ հիմնված այնպիսի շինծու մեղադրանքների վրա, ինչպիսիք են այսպես կոչված «շրջափակումը» և «պարենային ճգնաժամը»։

2023 թվականի սեպտեմբերի 18-ին Ադրբեջանի առաջարկի իրականացմամբ՝ օգտագործել մի քանի երթուղիներ Ղարաբաղի շրջանի բնակիչների կարիքները հոգալու նպատակով մարդասիրական բեռների առաքման համար՝ Հայաստանի զրպարտչական արշավը ձախողվեց։