«Ղարաբաղի» հարձակվողը առաջ է անցել Սալահից, Ռոնալդուից և Վարդիից

Football Observatory միջազգային սպորտային հետազոտությունների կենտրոնը հրապարակել է աշխարհի հարյուր ֆուտբոլիստների ցուցակը, ովքեր այս մրցաշրջանում հարձակման ավարտի լավագույն ցուցանիշներ ունեն։

Ինչպես հայտնում է azerisport.com-ը, ցուցակում ընդգրկվել է նաև ադրբեջանական «Ղարաբաղի» բրազիլացի հարձակվող Ժունինյոն։ Նա միջինը խփում է 0,92 գոլ՝ 37% իրացման գործակցով։

Այս ցուցանիշներով նա 20-րդ տեղում է՝ առաջ անցնելով այնպիսի հայտնի ֆուտբոլիստներից, ինչպիսիք են Մուհամեդ Սալահը (Լիվերպուլ, Անգլիա), Ջեյմի Վարդին (Լեսթեր, Անգլիա), Ալեքս Գրիմալդոն (Բայեր, Գերմանիա), Կրիշտիանու Ռոնալդուն (Ալ-Նասր, Սաուդյան Արաբիա) և այլն։