Ջենք Թոսունը ցանկանում է խաղալ Ադրբեջանում

Թուրքիայի հավաքականի խաղացող Ջենք Թոսունը ցանկանում է խաղալ Ադրբեջանում։
 
Այս մասին 34-ամյա հարձակվողը հայտարարել է AZERTAC-ին տված բացառիկ հարցազրույցում։
 
Նա ասել է, որ դրականորեն կքննարկի Ադրբեջանից ստացվող ապագա առաջարկները. «Ես համաձայնագիր ունեմ «Քասըմփաշա» ակումբի հետ մինչև մրցաշրջանի ավարտը։ Բայց եթե հաջորդ տարի Ադրբեջանից առաջարկ գա, ես կմտածեմ դրա մասին։ Ես շատ եմ սիրում ձեր երկիրը»։
 
Հարկ է նշել, որ գերմանական ֆուտբոլի  սան Ջենք Թոսունը խաղացել է նաև Ֆրանկֆուրտի «Այնտրախտում», թուրքական «Գազիանթեփսպորում», ինչպես նաև անգլիական «Էվերթոնում» և «Քրիսթալ Փելասում»։ Հարձակվողը, որը 53 խաղ է անցկացրել Թուրքիայի հավաքականի կազմում, խփել է 21 գոլ։ Նրա վերջին ակումբը եղել է Ստամբուլի «Ֆեներբահչեն»։