FIFA Series-ը վերադառնում է Ադրբեջան

FIFA Series-ի հաջորդ մրցաշարը կանցկացվի Ադրբեջանում։

Report-ի փոխանցմամբ՝ ՖԻՖԱ-ի նախագահ Ջանի Ինֆանտինոն այս մասին գրել է իր սոցիալական ցանցի իր էջում։

«Ուրախ եմ հայտնելու 2026 թվականի մարտ-ապրիլ ամիսներին FIFA Series-ի լայնածավալ մրցաշարի անցկացման մասին։ 2024 թվականի մարտին անցկացված փորձնական մրցաշարից հետո կարող ենք ասել, որ այս նախագիծը տարբեր մայրցամաքների ազգային հավաքականներին տրամադրում է եզակի հարթակ մրցակցության և փոխգործակցության համար՝ իրենց ներքին մրցաշարերից դուրս», - նշել է նա։

FIFA Series-ի տղամարդկանց մրցաշարերը կանցկացվեն Ավստրալիայում, Ադրբեջանում, Ինդոնեզիայում, Ղազախստանում, Մավրիկիոսում, Պուերտո Ռիկոյում, Ռուանդայում և Ուզբեկստանում, իսկ կանանց մրցաշարը կմեկնարկի Բրազիլիայում, Կոտ դ'Իվուարում և Թաիլանդում։ ՖԻՖԱ-ի այլ անդամ ասոցիացիաներ նույնպես հայտարարել են այս մրցաշարերը հյուրընկալելու իրենց մտադրության մասին։