Ferrari-ի մրցարշավորդը՝ Բաքվի մրցուղու մասին. Այն ինձ շատ է համապատասխանում

Բաքվի մրցուղին շատ է համապատասխանում «Ֆումուլա-1»-ի աշխարհի առաջնության մասնակից, Ferrari-ի մրցարշավորդ Շառլ Լեկլերին։
 
Ինչպես հայտնում է Report-ը՝ Motorsport-ին հղումով, 27-ամյա վարորդը կիսվել է՝ Բաքվի մրցուղու մասին իր տպավորություններով։
 
«Նույնիսկ եթե մենք թղթի վրա ֆավորիտ չենք, Բաքվում մեզ հաջողվեց պատվո հարթակ բարձրանալ։ Այս մրցուղին ինձ շատ է համապատասխանում։ Ես միշտ ինձ ուժեղ եմ զգացել քաղաքային մրցուղիներում։ Բայց այստեղ արգելակումը պահանջում է անձնվիրություն. անիվների ամենափոքր արգելակումը կարող է ամեն ինչ փչացնել։ Այդ ադրենալինը իսկապես տպավորիչ է», - ասել է Լեկլերը։
 
Լեկլերը չորս տարի անընդմեջ՝ 2021-ից 2024 թվականներին, հաղթել է Ադրբեջանի Գրան պրիի որակավորման մրցավազքում։ Սակայն մոնեգասկը երբեք չի հաղթել Բաքվի մրցավազքում։
 
Ադրբեջանի Գրան պրին մեկնարկում է այսօր և կշարունակվի մինչև սեպտեմբերի 21-ը։