Իսրայելի փոխդեսպան. Ես «Ղարաբաղի» երկրպագու եմ

Ադրբեջանում Իսրայելի փոխդեսպան Ավիվ Զելը հայտարարել է, որ  երկրպագել է ադրբեջանական «Ղարաբաղ» ակումբին՝ ՈՒԵՖԱ-ի Չեմպիոնների լիգայի չորրորդ փուլում անգլիական «Չելսիի» դեմ խաղի ժամանակ։
 
Caliber.Az-ի փոխանցմամբ՝ դիվանագետը այս մասին գրել է սոցիալական ցանցի իր էջում։
 
«Ի՜նչ հիանալի խաղ էր այսօր երեկոյան Բաքվում։ Ես հպարտ եմ, որ երկրպագում եմ «Ղարաբաղ» ֆուտբոլային ակումբին («Չելսիի» դեմ)՝ հրաշալի երկրպագուների հետ մեկտեղ. սա իսկական ուրախություն է և իսկական հպարտության աղբյուր։ Մենք միշտ ուրախ ենք աջակցել մեր ադրբեջանցի ընկերներին՝ թե՛ խաղադաշտում, թե՛ դրանից դուրս», - գրել է նա։