Ադրբեջանցի շախմատիստները երկու անգամ հաղթել են Հայաստանի հավաքականին

Վրաստանի Բաթումի քաղաքում շարունակվում է Եվրոպայի շախմատի թիմային առաջնությունը։

Azerisport.com կայքի փոխանցմամբ՝ Ադրբեջանի տղամարդկանց հավաքականը (Շաhրիյար Մամեդյարով, Ռաուֆ Մամեդով, Այդին Սուլեյմանլի, Մուհամեդ Մուրադլի և Էլթաջ Սաֆարլի) վեցերորդ փուլում հաղթել է Հայաստանին (2.5-1.5): Մամեդյարովը հաղթել է, իսկ Մամեդովը, Սաֆարլին և Սուլեյմանլին ոչ-ոքի են խաղացել։

Ավելի վաղ տղամարդկանց ընտրանին խաղացել էր Սլովակիայի (3-1), Չեխիայի (2-2), Լեհաստանի (2.5-1.5), Նիդեռլանդների (2-2) և Հունաստանի (2-2) հետ։

Այժմ տղամարդկանց թիմը 9 միավորով զբաղեցնում է երրորդ տեղը։

Կանանց հավաքականը (Ուլվիա Ֆաթալիևա, Գովհար Բեյդուլլաևա, Խանում Բալաջաևա, Գյուլնար Մամեդովա և Այան Ալլահվերդիևա) նույնպես մրցել է Հայաստանի հետ և հաղթել 3-1 հաշվով։ Ֆաթալիևան և Մամեդովան հաղթել են իրենց խաղերում, իսկ Բալաջաևան և Բեյդուլլաևան՝ ոչ-ոքի խաղացել։

Եվրոպայի առաջնությունն անցկացվում է շվեյցարական համակարգով՝ ինը փուլով և կշարունակվի մինչև հոկտեմբերի 14-ը։