Հայ դահուկորդը իր համազգեստի վրա ծածկել է «Ադրբեջան» գրությունը. Բաքուն պաշտոնական դիմում է ուղարկել FIS-ին

Հայ դահուկորդ Միքայել Միքայելյանը Իտալիայում անցկացված հեղինակավոր Tour de Ski մրցաշարում իր համազգեստի վրա ծածկել է «Ադրբեջան» բառը և տուգանվել  Դահուկային սպորտի և սնոուբորդի միջազգային ֆեդերացիայի (FIS) կողմից։

Միջադեպից հետո հայ մարզիկը, ինչպես նաև Հայաստանի դահուկային սպորտի ֆեդերացիայի ղեկավար Գարիկ Սարգսյանը, փորձել են արդարանալ։

Oxu.Az-ը այս հարցի վերաբերյալ հարցում է ուղարկել Պետական Զբոսաշրջության գործակալություն։

Գործակալությունից նշել են, որ տհաճ միջադեպից հետո գործակալությունը պաշտոնապես դիմել է FIS-ին՝ արտահայտելով իր դժգոհությունը և ընդգծելով համագործակցության շրջանակներում վերահսկողության միջոցառումների ուժեղացման անհրաժեշտությունը։

«Կարծում ենք, որ մրցումներին մասնակցող մարզիկները պետք է հետևեն FIS-ի ընդհանուր մարզական և էթիկական սկզբունքներին։ Սպորտի ապաքաղաքականացումը և էթնիկ ատելությունից, ռասիզմից, քսենոֆոբիայից և այլ բացասական դրսևորումներից խուսափելը պետք է լինեն հիմնարար պահանջ բոլոր մարզիկների և մրցաշարերի համար», - ասվում է հայտարարության մեջ։