Օմբուդսմեն. Ֆրանսիան խոչընդոտում է խաղաղությանը

Ֆրանսիայի նման երկրները խոչընդոտում են խաղաղությանը և անհարգալից վերաբերմունք են ցուցաբերում միջազգային իրավունքի նկատմամբ:

Ինչպես հայտնում է Caliber.Az-ը, այս մասին Բաքվում՝ Մարդու իրավունքների համընդհանուր հռչակագրի 75-ամյակին նվիրված՝ «Մարդու իրավունքներ - 75 Բաքվի համաժողով. համընդհանուրության և անբաժանելիության խթանում՝ գլոբալ և ազգային մարտահրավերները լուծելու համար» միջազգային համաժողովում ասել է՝ Մարդու իրավունքների հանձնակատար (օմբուդսմեն) Սաբինա Ալիևան:

Նրա խոսքով, Հայաստանի կողմից ադրբեջանցիների նկատմամբ ատելության հիման վրա իրականացված էթնիկ զտումների, տեղահանությունների և ցեղասպանության քաղաքականության արդյունքում՝ խաղաղ ադրբեջանական բնակչության դեմ բազմաթիվ հանցագործություններ են կատարվել խաղաղության և մարդկության դեմ, ինչպես նաև ռազմական հանցագործություններ, ցեղասպանություն, էկոցիդ, ուրբիցիդ և կուլտուրիցիդ։

«Ադրբեջանի՝ շուրջ 30 տարի օկուպացիայի տակ գտնվող և 44-օրյա Հայրենական պատերազմի արդյոււնքում ազատագրված տարածքներում հայտնաբերված զանգվածային գերեզմանները, բազմաթիվ քաղաքների և գյուղերի մեծ մասի ավերումը, պատմական, մշակութային, կրոնական հուշարձանների, բուսական և կենդանական աշխարհի բազմաթիվ տեսակների ոչնչացումը, մեր տարածքների զանգվածային աղտոտումը ականներով ևս մեկ անգամ ապացուցում են դա»,- ասել է Օմբուդսմենը։