Երկու տարի է անցել Շուշայի հռչակագրի ստորագրումից

Այսօր լրանում է Շուշայի հռչակագրի ստորագրման երկրորդ տարին։

Caliber.Az-ի փոխանցմամբ՝ Հռչակագիրը ստորագրվել է 2021 թվականի հունիսի 15-ին Շուշայում՝ Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիբ Էրդողանի կողմից։ Հռչակագիրը վավերացվել է 2022 թվականի փետրվարի 1-ին Ադրբեջանի Միլլի Մեջլիսի և փետրվարի 3-ին Թուրքիայի Ազգային Մեծ Ժողովի կողմից։

Իր բովանդակությամբ ու նշանակությամբ Շուշայի հռչակագիրը երկու երկրների համար համապարփակ փաստաթուղթ է, որն ամբողջությամբ արտացոլում է ինչպես Ադրբեջանի, այնպես էլ Թուրքիայի պետական շահերը։ Գլխավորն այն է, որ Շուշայի հռչակագիրը ենթադրում է ուժեղ ռազմաքաղաքական դաշինք Ադրբեջանի և Թուրքիայի միջև, որի հիմնարար առանձնահատկությունն այն է, որ աշխարհում ոչ մի երկիր չունի հարաբերությունների նման ձևաչափ։