Ադրբեջանի ԱԳՆ-ն ողջունում է Իսրայելի և Լիբանանի միջև հրադադարը

Ադրբեջանը ողջունում է Իսրայելի և Լիբանանի միջև հրադադարի համաձայնագիրը և ակնկալում է, որ այս համաձայնագիրը վերջ կդնի ռազմական գործողություններին:

Ինչպես հայտնում է Caliber.Az-ը, այս մասին ասված է Ադրբեջանի ԱԳՆ-ի՝ X սոցիալական ցանցում զետեղված հաղորդագրության մեջ։

Ադրբեջանը, աջակցելով հակամարտությունների խաղաղ կարգավորմանը և հանդիսանալով 132 երկրների կողմից հաստատված COP29-ի նախագահության ներքո զինադադարի համատեղ կոչի նախաձեռնողը, բոլոր կողմերին կոչ է անում պահպանել հրադադարի ռեժիմը և լուծել խնդիրները։