Ադրբեջանի և Թուրքիայի նախարարները քննարկել են առևտրի կայունությունը

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, ով գտնվում է Բաքվում՝ մասնակցելու Կլիմայի փոփոխության մասին ՄԱԿ-ի շրջանակային կոնվենցիայի Կողմերի 29-րդ նստաշրջանին (COP29), Ադրբեջանի թվային զարգացման և տրանսպորտի նախարար Ռաշադ Նաբիևի հետ քննարկել է տարածաշրջանային առևտրի կայունությունը։

Ինչպես հայտնում է Caliber.Az-ը, այս մասին սոցցանցերում գրել է թուրք պաշտոնյան։

«Արդյունավետ հանդիպում ունեցանք Ադրբեջանի թվային զարգացման և տրանսպորտի նախարար, իմ հարգարժան գործընկեր Ռաշադ Նաբիևի, փոխնախարար Ռահման Հումմաթովի և Բաքվում մեր դեսպան Ջահիտ Բաղչիի հետ։ Կարևոր խորհրդակցություններ անցկացրեցինք Թուրքիայի և եղբայրական Ադրբեջանի միջև համագործակցության ամրապնդման և տարածաշրջանային առևտրի կայունության ապահովման վերաբերյալ»,- գրել է նա։