Ադրբեջանն ավարտում է Զանգեզուր տանող մեծ ճանապարհի կառուցումը

AzVirt ընկերությունը նոր կադրեր է հրապարակել Հորադիզ-Ջաբրայիլ-Զանգիլան-Աղբանդ (Զանգեզուրի միջանցք) 123,6 կմ երկարությամբ ավտոմայրուղու շինարարությունից, որի հիմքը դրել են Ադրբեջանի և Թուրքիայի նախագահները։

Ինչպես հաղորդում է Caliber.Az-ը, կադրերում երևում է, որ են շինարարական աշխատանքները գտնվում են վերջին փուլում: Ճանապարհի մեծ մասն արդեն ասֆալտապատված է:  Ճանապարհը սկսվում է Ֆիզուլիի շրջանի Ահմեդբեյլի գյուղից և կառուցվում է առաջին տեխնիկական կարգի ավտոճանապարհների միջազգային չափանիշներին համապատասխան։

Ճանապարհի 77,5 կմ հատվածն ունի 6 գոտի, իսկ մնացած հատվածը (46,1 կմ)՝ 4 գոտի։ Ճանապարհի լայնությունը համապատասխանաբար 29,5 և 21,5 մետր է։ Ճանապարհի վրա կա երեք ավտոմոբիլային թունել՝ 6 կմ ընդհանուր երկարությամբ, ակտիվորեն կամուրջներ են կառուցվում։ Ճանապարհը նախատեսվում է ավարտել մինչև 2025 թվականը։