Ադրբեջանում 45 երկրաշարժ է գրանցվել

Տարեսկզբից մինչ այսօր (հունվարից մինչև հոկտեմբերի 22-ը) Ադրբեջանում գրանցվել է 3 բալ և ավելի ուժգնությամբ 45 երկրաշարժ։

Ինչպես հայտնում է Report-ը՝ հղում անելով Հանրապետական ​​սեյսմոլոգիական կենտրոնի պաշտոնական կայքին, այս ցնցումներից 38-ը եղել են 3-ից 4 բալ ուժգնությամբ, 4-ը՝ 4-ից 5 բալ, 3 ցնցումը՝ 5 բալից բարձր։

Այս ընթացքում երկրաշարժեր են գրանցվել Կասպից ծովում, Շամախիում, Սաաթլի-Սաբիրաբադի սահմանին, ինչպես նաև Աղդաշում, Գերանբոյում, Իմիշլիում, Լենքորանում, Թովուզում, Հաջիգաբուլում, Լերիքում, Գուբայում, Գյոյգյոլում, Բիլասուվարում, Ջալիլաբադում և Քելբեջարում։