Հուսեյնով. Համաշխարհային լրատվամիջոցները փորձում են փոխել օրակարգը Ադրբեջանի դեմ

Համաշխարհային լրատվամիջոցներում փորձ է արվում փոխել քաղաքական օրակարգը և օգտագործել այն Ադրբեջանի դեմ։

Ինչպես հաղորդում է Сaliber.Az-ը, այս մասին Միլլի Մեջլիսում «Հիբրիդային սպառնալիքներ COP29-ի դեմ» թեմայով հանրային քննարկումների ժամանակ ասել է Սոցիալական հետազոտությունների կենտրոնի բաժնի ղեկավար Իլյաս Հուսեյնովը։

Նրա խոսքով, Բաքվի վրա շարունակվող հարձակումների պատճառը կապված է COP29-ի հետ, քանի որ որոշ զարգացած երկրներ ձգտում են խուսափել նոր ֆինանսական պարտավորություններից՝ կլիմայական գործողությունների շրջանակներում:

«Նախապես որոշված էր, որ մինչև 2020 թվականը կլիմայի ֆինանսավորման ծավալը կկազմի 100 միլիարդ դոլար։ Այժմ նախատեսվում է այդ գումարը հասցնել 1 տրլն դոլարի։ Բաքվում կայանալիք COP29 համաժողովում ֆինանսական հարցերի քննարկումը թույլ կտա հասնել կոնկրետ արդյունքների։ Սա է, որ որոշ երկրներում մտահոգություն է առաջացնում»,- ասել է Հուսեյնովը: