Ադրբեջանում կարող են ուժեղացնել երեխաների պաշտպանությունը ԶԼՄ-ներում

Ադրբեջանում նախատեսվում է խստացնել՝ լրատվամիջոցներում անչափահասների մասին տեղեկատվության բացահայտման պահանջները։
 
Report-ի փոխանցմամբ, համապատասխան փոփոխություններն առաջարկվում են կատարել «Լրատվամիջոցների մասին» օրենքում՝ որպես «Երեխայի իրավունքների մասին» նոր օրենքի նախագծի մաս։
 
Միլլի Մեջլիսի ընտանիքի, կանանց և երեխաների հարցերով կոմիտեի այսօրվա նիստում քննարկված փոփոխությունների համաձայն՝ անչափահաս կասկածյալների, մեղադրյալների կամ տուժածների ինքնությունը հաստատող ցանկացած տեղեկատվության տարածումը հնարավոր կլինի միայն անչափահասների և նրանց օրինական ներկայացուցիչների գրավոր համաձայնությամբ։
 
Հիշեցնենք, որ օրենսդրության ներկայիս տարբերակը չի պահանջում օրինական ներկայացուցիչների գրավոր համաձայնությունը։