Ադրբեջանում կսահմանվե՞ն ելքի սահմանափակումներ զորակոչից տարեկետում ստացած մի շարք անձանց նկատմամբ

Ադրբեջանում կարող են ելքի սահմանափակումներ սահմանվել այն անձանց համար, որոնց զինվորական ծառայության զորակոչից  տարեկետման ժամկետը մոտենում է ավարտին։

Այս մասին Report-ին ասել է Մոբիլիզացիայի և զորակոչի պետական ծառայության հասարակայնության հետ կապերի և միջազգային հարաբերությունների բաժնի պետ Փարվիզ Սադրադդինովը՝ մեկնաբանելով շրջանառվող լուրերը, թե առողջական պատճառներով զինվորական ծառայության զորակոչից  տարեկետում ստացած անձիք պետք է կրկնակի բուժզննում անցնեն: