ԱՊՀ-ն ողջունում է Ադրբեջանի և Հայաստանի միջև Վաշինգտոնում ստորագրված հռչակագիրը

ԱՊՀ-ն հուսով է, որ Վաշինգտոնում Ադրբեջանի և Հայաստանի միջև ստորագրված փաստաթղթերը հիմք կծառայեն խաղաղության համաձայնագրի համար։

Ինչպես հաղորդում է ՏԱՍՍ-ը, այս մասին հայտարարել է ԱՊՀ գլխավոր քարտուղար Սերգեյ Լեբեդևը՝ Համագործակցության անդամ պետությունների մշտական լիազոր ներկայացուցիչների խորհրդի հերթական նիստից առաջ։

«Ինչպես ժամանակին մենք բոլորս Համագործակցության երկրներում գոհ էինք Ղրղզստանի և Տաջիկստանի միջև միջպետական սահմանի վերաբերյալ պայմանագրի ստորագրումից, այնպես էլ հիմա՝ շատ գոհ ենք այս համատեղ հռչակագրի ստորագրումից։ Մենք կարծում ենք, որ սա տարաձայնությունների վերջնական կարգավորման և Ադրբեջանի և Հայաստանի միջև խաղաղության պայմանագրի կնքման ճանապարհին եղած փուլերից մեկն է», - ասել է նա։