Իրանը մաքսային անցակետ է կառուցում Ադրբեջանի հետ սահմանին

Իրանում Ադրբեջանի հետ սահմանին սկսվել է մաքսային անցակետի շինարարությունը։

Այն գտնվում է Քալալա-Աղբենդ ավտոմոբիլային կամրջի իրանական կողմում։

Trend-ի փոխանցմամբ՝ այս մասին ճեպազրույցի ժամանակ հայտարարել է Արևելյան Ադրբեջան նահանգի մաքսային վարչության պետ Ալի Ասգար Աբբասզադեն։

Նրա խոսքով՝ Արևելյան Ադրբեջան նահանգոււմ հատուկ ուշադրություն է հատկացվում երկու մաքսային անցակետերի զարգացման վրա, որոնցից մեկը Ջուլֆայի մաքսային անցակետն է։

Աբբասզադեն հավելել է, որ ներկայումս Ջուլֆայի մաքսային անցակետով օրական անցնում է մոտ 300 բեռնատար։ Քալալա-Աղբենդ ուղղությամբ մաքսային անցակետի կառուցումից և գործարկումից հետո թողունակությունը կաճի մինչև օրական 1300 բեռնատար։

Նշենք, որ 2022 թվականի սեպտեմբերի 21-ին Արևելյան Զանգեզուրի տնտեսական շրջանում տեղի է ունեցել Իրանի հետ սահմանին գտնվող Աղբենդ ավտոմոբիլային կամրջի հիմնարկեքի արարողությունը։ 216 մետր երկարությամբ և 24,5 մետր լայնությամբ կամուրջը կկապի 112 կիլոմետր երկարությամբ Հորադիզ-Ջաբրայիլ-Զանգիլան-Աղբենդ ճանապարհը Իրանի Իսլամական Հանրապետության ճանապարհային ցանցի հետ՝ Արազ գետի վրայով։