Փաշինյան. Բաքուն և Երևանը քննարկում են առևտրի հարցը

Հայաստանը և Ադրբեջանը ապրանքների ցանկեր են  փոխանակում՝ հնարավոր առևտրի համար։
 
Ինչպես հաղորդում է Caliber.Az-ը՝ հղում անելով հայկական ԶԼՄ-երին, այս մասին հայտարարել է Հայաստանի  վարչապետ Նիկոլ Փաշինյանը։
 
Հարցին, թե ինչպես է որոշվել, թե ով է գնելու ադրբեջանական բենզին, ՀՀ վարչապետը կառավարության ճեպազրույցի ժամանակ ասել է, որ շուկան նախապես ուսումնասիրվել է, և առաջարկ է արվել այն գործարարներին, ովքեր այս հնարավորությունը չեն վերածի քաղաքական ակցիայի։ Արդյունքում, երկու հայկական ընկերություններ (Ran Oil և Titan) կապ են հաստատել ադրբեջանական կողմի հետ։
 
Փաշինյանը նշել է, որ Հայաստան նավթամթերքի առաջին առաքման ժամանակ որոշ բենզալցակայանների ցանցեր հրաժարվել են վաճառել ադրբեջանական բենզին։