ԹՊԿ զորավարժությունները կամրապնդեն թյուրքական աշխարհի դիրքերը տարածաշրջանային անվտանգության մեջ. Քարաուզ

Եթե իրականացվի Ադրբեջանի նախագահ Իլհամ Ալիևի նախաձեռնությունը՝ Թյուրքական պետությունների կազմակերպության (ԹՓԿ) անդամ երկրների միջև համատեղ զորավարժություններ անցկացնելու վերաբերյալ, դա կարևոր ազդանշան կլինի աշխարհին ժամանակակից սպառնալիքներին հակազդելու հարցում միասնության մասին։

Այս մասին Report-ին ասել է Ադրբեջանում Թուրքիայի նախկին ռազմական կցորդ, պահեստազորի բրիգադի գեներալ Յուջել Քարաուզը։

Նրա խոսքով՝ համատեղ զորավարժությունները կարող են լուրջ ազդեցություն ունենալ ոչ միայն մարտավարական, այլև ռազմավարական, քաղաքական և աշխարհաքաղաքական մակարդակներում։

«Համատեղ զորավարժությունները կբարելավեն հրամանատարության և կառավարման համակարգվածությունը և կնպաստեն ցամաքային, օդային, ռազմածովային և հատուկ նշանակության ուժերի միջև ինտեգրված փոխգործակցության զարգացմանը։ Սա զգալիորեն կկրճատի արձագանքման ժամանակը, հատկապես տարածաշրջանային ճգնաժամերի կամ կոլեկտիվ արձագանք պահանջող իրավիճակներում», - նշել է Քարաուզը։