ԵՄ-ն աջակցում է Հայաստանին և Ադրբեջանին տարածաշրջանային հաջողության ճանապարհին. Գրոնո

Եվրամիությունը աջակցում է Բաքվին և Երևանին համապարփակ խաղաղության և տարածաշրջանային հաջողության ճանապարհին։

Ինչպես հաղորդում է Caliber.Az-ը, այս մասին Х-ի իր էջին գրել է Հարավային Կովկասում ԵՄ հատուկ ներկայացուցիչ Մագդալենա Գրոնոն՝ Երևան կատարած երկօրյա այցի արդյունքներով։

Գրոնոն հիշեցրել է, որ Երևան կատարած այցի ընթացքում բանակցություններ է վարել ՀՀ փոխվարչապետ Մհեր Գրիգորյանի, արտաքին գործերի նախարար Արարատ Միրզոյանի և այլ պաշտոնյաների հետ։

«Շնորհակալ եմ Հայաստանի և Ադրբեջանի միջև խաղաղ գործընթացի, հայ-թուրքական հարաբերությունների կարգավորման, տարածաշրջանային համագործակցության, կապի և մարդասիրական օրակարգի վերաբերյալ մտքերի բովանդակալից փոխանակման համար։ Ես նաև ուրախ էի մասնակցել քաղաքացիական հասարակության ներկայացուցիչների հետ հետաքրքիր քննարկումներին։ Եվրամիությունը աջակցում է իր գործընկերներին՝ Հայաստանին և Ադրբեջանին՝ համապարփակ խաղաղության և տարածաշրջանային հաջողության ճանապարհին», - գրել է նա։