Գուտերեշ. ՄԱԿ-ը պատրաստ է օգնել գտնելու ղարաբաղյան պատերազմում անհետ կորած ադրբեջանցիներին

Միավորված ազգերի կազմակերպությունը պատրաստ է լիարժեք աջակցություն ցուցաբերել Ղարաբաղյան պատերազմի ժամանակ անհայտ կորած ադրբեջանցիների որոնման աշխատանքներին։

Այս մասին Сaliber.Az-ին ասել է ՄԱԿ-ի գլխավոր քարտուղար Անտոնիո Գուտերեշը։

Նա ասել է, որ կազմակերպությունը պատրաստ է կառավարություններին լիարժեք աջակցություն ցուցաբերել անհայտ կորածների որոնման հարցում՝ անկախ նրանց անհետացման վայրից ու պատճառներից։

«Մենք չափազանց մտահոգված ենք այն իրավիճակով, երբ մարդիկ անհետ կորչում են, իսկ նրանց ընտանիքները տառապում են: Մենք բոլոր ջանքերը կգործադրենք, որպեսզի հնարավոր համագործակցության շրջանակում աշխատենք անհայտ կորածներին գտնելու կամ նրանց անհետացման հանգամանքները պարզելու ուղղությամբ»,- ասել է Գուտերեշը։