Ադրբեջանցի մարզիկը զրկվել է Ռուսաստանի քաղաքացիությունից

Ադրբեջանցի MMA-ի խառը ոճի մարտիկ Ջավիդ Ռզաևը պաշտոնապես զրկվել է Ռուսաստանի քաղաքացիությունից։
 
Այս մասին հաղորդում է Readovka Telegram ալիքը։
 
ԱԴԾ-ի սպան Ռզաևին ասել է, որ նա կատարել է գործողություններ, որոնք բացասաբար են անդրադարձել երկրի քաղաքական և սոցիալական կայունության վրա։  Դա էլ հանգեցրել է քաղաքացիության կորստին։
 
Ըստ տեղեկությունների՝ անցյալ տարվա հուլիսին MMA ոճի մրցաշարի ժամանակ ադրբեջանցին ռինգից վիրավորել է մեկ այլ մարտիկի։ Այդ ժամանակ իրավապահ մարմինների աշխատակիցները հայտարարել են, որ կստուգեն նրա քաղաքացիություն ստանալու օրինականությունը։ Սակայն այս պատմությունը միայն հիմա է հասել իր տրամաբանական ավարտին։
 
Ռզաևը MMA մարտարվեստի մրցաշարերում  ունի չորս հաղթանակ և երկու պարտություն:
 
Այժմ նախկին մարտիկը ստիպված է լքել Ռուսաստանը և վերադառնալ Ադրբեջան։