Ադրբեջանից ժյուրիի անդամ, վետերանի դուստրը ամենաբարձր բալը տվել է հայ երգչին «Ես չեմ զղջում դրա համար»

Երգչուհի Սամիրա Էֆենդիի որոշումը՝ Ղազախստանի Աստանա քաղաքում անցկացվող՝ «Նոր ալիք» միջազգային երաժշտական ​​մրցույթի եզրափակչում՝ Հայաստանի ներկայացուցիչ Սարո Գևորգյանին 12  բալ տալ, ապա գրկել նրան՝ շնորհավորելով հաղթանակի կապակցությամբ, բուռն քննարկումներ է առաջացրել սոցիալական ցանցերում։

Caliber.Az-ի փոխանցմամբ՝ Սամիրա Էֆենդին «Tarixin bir günü» հաղորդման եթերում հայտարարել է, որ որպես պատերազմի վետերանի դուստր և գեներալի թոռնուհի, ինչպես նաև որպես Ադրբեջանի քաղաքացի, հավատում է, որ ապագան մեր երիտասարդության ձեռքում է։
 
«Իհարկե, մենք չենք մոռանում պատմությունը։ Բայց առաջին հերթին ես փորձում եմ հետևել մեր նախագահի կողմից սահմանված խաղաղության քաղաքականությանը։ Կարծում եմ, որ բոլորը պետք է կամուրջներ կառուցեն դեպի խաղաղություն։
 
[Մրցույթի] սկզբում, երբ բոլորը հայ մասնակցին տվեցին 12բալ, ես տվեցի 10 բալ։ Բայց, եթե խոսքը երաժշտության և կրթության մասին է, ապա այս մասնակիցը իսկապես շատ լավ հանդես եկավ։
 
Եզրափակչում իմ 12 բալը զարմացրեց բոլորին, բայց ես չեմ զղջում դրա համար։ Եզրափակչում ես նրան [Սարո Գևորգյանին] տվեցի այն գնահատականը, որին նա արժանի էր։
 
Ես նրան համարում եմ երաժիշտ, այլ ոչ թե քաղաքական գործիչ,  որպեսզի թշնամաբար տրամադրված լինեմ։ Ես այնտեղ չեմ գնացել թշնամանք առաջացնելու, այլ իմ երկիրը ներկայացնելու համար», - ասել է երգչուհին։