Մտավոր սեփականության գործակալություն. «Սարը գելին» երգը պատկանում է ադրբեջանցի թուրքերին

Վերջերս երգիչ և կոմպոզիտոր Արազ Թորոսյանը (Արազ Դարեհ) իրանական հեռուստաալիքով կատարել է ադրբեջանական ժողովրդական «Սարը գելին» երգը և՛ հայերեն, և՛ պարսկերեն լեզուներով: Մի քանի իրանական առցանց ռեսուրսներ «Սարը գելին»-ը ներկայացրել են որպես հայկական ստեղծագործություն: Բացի այդ, Թորոսյանը երգը տեղադրել է իր YouTube ալիքում՝ այն ներկայացնելով որպես «Սարի աղջիկ»՝ հայկական ֆոլկլոր, հայտնում է Caliber.Az-ը:
 
Մեկնաբանելով այս իրավիճակը՝ Ադրբեջանի մտավոր սեփականության գործակալությունը հայտարարել է, որ «Սարը գելին» ժողովրդական երգը պատկանում է ադրբեջանցի թուրքերին:
 
Գործակալության փորձագետ, կոմպոզիտոր Ջավանշիր Գուլիևի խոսքով՝ «Սարը գելին»-ը գրված է Շուր մուղամի ոճով, որը հանդիսանում է ադրբեջանական  մուղամի յոթ հիմնական տարրերից մեկը և լայնորեն օգտագործվում է ազգային երաժշտության մեջ: