Ադրբեջանական մշակույթը միավորում է ողջ ադրբեջանական հասարակությանը. նախարար

Ադրբեջանում մշակվում են մշակույթի նոր մոտեցումներ։

Report-ի փոխանցմամբ՝ այս մասին հայտարարել է մշակույթի նախարար Ադիլ Քարիմլին «Մշակույթ և իրավունք. ժամանակակից մարտահրավերներ» թեմայով ֆորումում։

Նրա խոսքով՝ նոր մոտեցումների մանրամասները շուտով կհայտարարվեն։

Քարիմլին նաև նշել է, որ Ադրբեջանն ունի հարուստ մշակույթ, որը նշանակալի և հիմնարար դեր է խաղացել իր պետականության ձևավորման գործում։

Նախարարը նաև անդրադարձել է մշակույթի և իրավունքի կապի հարցին. «Մշակույթի հասկացությունը ընկած է ամեն ինչի հիմքում, մեր մշակութային արժեքները պետք է հաշվի առնվեն նաև իրավական համակարգում, և օրենսդրությունը պետք է մշակվի այս հիմքի վրա։ Ինչ վերաբերում է հասարակության շրջանում մշակութային հասկացությունների քարոզչությանը, մշակութային ինքնությունը ձևավորվում է պատմականորեն, և մեզանից յուրաքանչյուրը պետք է հպարտանա դրանով և միասին պայքարի այն ուժերի դեմ, որոնք ձգտում են մեզ բաժանել դրանից։ Որովհետև ադրբեջանական մշակույթը միայն նախարարության կամ մշակութային գործիչների պատասխանատվությունը չէ։ Դա մի գործընթաց է, որը միավորում է ողջ ադրբեջանական հասարակությանը»։