Ադրբեջանն ավարտում է դեպի Խանքենդի նոր ճանապարհի շինարարությունը Վիթխարի հանգույցներով / ԼՈՒՍԱՆԿԱՐ / ՏԵՍԱՆՅՈՒԹ

Ազատագրված տարածքներում ճանապարհային ենթակառուցվածքային նախագծերի շրջանակներում Աղդամ-Ասկերան-Խոջալու-Խանքենդի ճանապարհի շինարարությունը 72%-ով ավարտված է։

Այս մասին հայտնում է Caliber.Az-ը՝ հղում անելով Ադրբեջանի ավտոմոբիլային ճանապարհների պետական գործակալությանը։

Ճանապարհը սկիզբ է առնում Բարդա-Աղդամ ճանապարհից և ունի 33,6 կմ ընդհանուր երկարություն։ Ներկայումս տարվում են հողային աշխատանքներ, շարունակվում է  ճանապարհի վրա գտնվող 5 միաթռիչք և եռաթռիչք կամուրջների շինարարությունը:

Նշենք, որ Աղդամ-Ասկերան-Խոջալու-Խանքենդի ավտոճանապարհը կհեշտացնի տեղաշարժը տարածաշրջանում, էական ազդեցություն կունենա գյուղատնտեսության և զբոսաշրջության զարգացման վրա, ինչպես նաև թույլ կտա Բարդայից գնալ Խանքենդի, Շուշա և Լաչին՝ շրջանցելով Աղդամը: