ՉԺՀ ԱԳՆ հայտարարել է, որ Ի.Ալիևի այցը Չինաստան կամրապնդի՝ երկու երկրների միջև ռազմավարական գործընկերությունը Բարձր մակարդակի բանակցություններ են նախատեսված

Չինաստանի արտաքին գործերի նախարարության մամուլի  քարտուղար Գո Ցզյակունը ճեպազրույցի ժամանակ մեկնաբանել է՝ Ադրբեջանի նախագահ Իլհամ Ալիևի Չինաստան կատարելիք այցը։
 
Այս մասին հաղորդում է Caliber.Az-ը՝ հղում անելով Չինաստանի արտաքին գործերի նախարարության կայքին
 
«Չինաստանն ու Ադրբեջանը ռազմավարական գործընկերներ են։ Վերջին տարիներին, երկու նախագահների ջանքերի շնորհիվ, չին-ադրբեջանական հարաբերությունները պահպանում են աճի կայուն դինամիկա, խորացել է քաղաքական փոխադարձ վստահությունը, արդյունավետորեն զարգացել է համագործակցությունը՝ «Մեկ գոտի, մեկ ճանապարհ» նախաձեռնության շրջանակներում, և արդյունավետորեն իրականացվել է միջազգային համակարգում։
 
Չինաստանի նախագահ Սի Ցզինպինը բանակցություններ կվարի Ադրբեջանի նախագահ Իլհամ Ալիևի հետ՝ երկկողմ հարաբերությունների զարգացման նոր ծրագիր մշակելու համար։ Չինաստանի վարչապետ Լի Ցյանը և Ժողովրդական ներկայացուցիչների համաչինական ժողովի մշտական ​​կոմիտեի նախագահ Չժաո Լեջին նույնպես կհանդիպեն նրա հետ՝ տարբեր ոլորտներում համագործակցության վերաբերյալ մտքերի խորը փոխանակման համար։
 
Մենք հավատում ենք, որ այս այցը կխորացնի երկու երկրների միջև ռազմավարական գործընկերությունը և մեծ օգուտ կբերի երկու ժողովուրդներին», - ասել է Չինաստանի արտաքին գործերի նախարարության  մամուլի քարտուղարը։